3 orë më parëKrejt çka dihet për tërmetin në Shqipëri deri më tani (Foto)
Periskopi(7 vite më parë)
(7 vite më parë)Territori i Shqipërisë është goditur nga një tërmet 6.4 shkallë të Rihterit, mëngjesin e hershëm të ditës së martë. Si pasojë e këtij tërmeti i cili më fuqishëm u ndje në zonat e Durrësit, Krujës dhe Kurbinit, deri më tani janë raportuar 8 të vdekur, ndërsa 135 të tjerë raportohen të plagosur. Dyshohet se në […]
Territori i Shqipërisë është goditur nga një tërmet 6.4 shkallë të Rihterit, mëngjesin e hershëm të ditës së martë.
Si pasojë e këtij tërmeti i cili më fuqishëm u ndje në zonat e Durrësit, Krujës dhe Kurbinit, deri më tani janë raportuar 8 të vdekur, ndërsa 135 të tjerë raportohen të plagosur.
Dyshohet se në mesin e viktimave është edhe një vajzë e mitur, dy gra në Thumanë, tre viktima në rrënojat e një ndërtese në Durrës dhe një qytetar i cili ka rënë nga ballkoni në Kurbin. Ndërkohë, tri ndërtesa janë shëmbur.
Qindra forca të ushtrisë, policisë dhe forcave civile janë vënë në gatishmëri të situatës në tre zona, ku janë përqendruar operacionet e shpëtimit, në zonën e Thumanës dhe në dy zona në qytetin e Durrësit
Për tërmetin në Shqipëri kanë reaguar edhe liderë botërorë si presidenti frances Emmanuel Macron dhe ai I Turqisë Recep Tayiip Erdogan, të cilët kanë shprehur gatishmërinë për t’i ofruar ndihmë Shqipërisë, shkruan Periskopi.
“Të gjithë miqtë e Shqipërisë po aktivizohen me shpejtësi. Kryeministri Conte e kryeministri Mitzotakis nisën avionët me skuadrat speciale. Presidenti Macron e Presidenti Erdogan më shprehën gatishmërinë për çdo nevojë? Ambasadat e BE/SHBA kanë njoftuar gjithashtu për t’i dalë në ndihmë qysh herët gatishmërinë”, ka njoftuar kryeministri i Shqipërisë Edi Rama.
Në zonat që u goditën nga tërmeti, janë nisur edhe forcat speciale të FSK-së, ka njoftuar presidenti i Kosovës Hashim Thaçi. Ndërkohë gërmimet janë duke vazhduar nëpër rrënojat e shkaktuara nga tërmeti te Shkëmbi i Kavajës, pasiqë aty ka ende njerëz të cilët kanë mbetur nën rrënoja.
Autoritetet paralajmërojnë qytetarët të qëndrojnë jashtë objekteve në epiqendër, ndonëse thonë se më e keqja ka ka kaluar.
Diku rreth orës 9:00 në territorin e Shqipërisë është ndjerë një tërmet i dytë i cili raportohet të ketë me 4.9 magnitudë.
Reagime për tërmetin në Shqipëri janë duke vazhduar edhe liderë të tjerë nga Kosova, Maqedonia e Veriut si dhe vende të tjera nga Evropa dhe bota. Dridhje të tërmetit me epiqendër në Shqipëri janë dëgjuar edhe në Kosovë. /Periskopi/
