Kosova shumë më e fortë se Çekia më 2019: Ky është parashikimi se kush fiton sonte

Mungon Muriqi në anën tonë dhe Patrick Schick në anën e Çekisë. Por, impakti i Muriqit te Kosova është dukshëm më i madh se ai i talentit të madh çek – kjo pasi, prizrenasi është fokusi kryesor i lojës ofensive në ajër për ekipin tonë.

Sidoqoftë, në fazën ofensive Kosova e ka në formë të lartë Milot Rashicën. Rashica pritet të jetë i vendosur ose në anën e majtë si anësor, ose si 9-she false duke ndihmuar shtatgjatin Atdhe Nuhiu, shkruan Periskopi.

E megjithatë, pika më e dobët e ekipit tonë kombëtar nuk është sulmi. Në ndeshjen e parë kundër Çekisë, Kosova arriti të fitonte por loja ishte dominuar nga mesfusha Çekia që shfrytëzonte hapësirat e krijuara dhe mos-pozicionimin e duhur të lojtarëve.

E me një mesfushë totalisht të çorganizuar Kosova luajti edhe ndeshjen kundër Anglisë dhe atë kundër Malit të Zi.

Çekia ndërkohë, është një ekip mjaft kompakt në çdo repart. Rreziku më i madh portës së mbrojtur nga Arijanet Anan Muriq do t’i vije nga Krmenqiku i Sllavisë së Pragës. Por, edhe mesfushorët Jankto, Darida, Kral e Masopust janë golashënues të mirë.

Nëse Challandes vendos një skemë taktike sipas udhëzimeve të Periskopit duke e befasuar Çekinë, atëherë rrjedha e gjërave pritet të jetë pozitive.

Në ndeshjen e vitit 2019, Çekia i ka zhvilluar tetë ndeshje prej të cilave ka arritur katër fitore e katër humbje me golavërazhin e përgjithshëm 14-15.

Kosova në anën tjetër në vitin 2019 i ka fituar katër ndeshje, i ka barazuar dhe e ka humbur vetëm një. Rezultati i përgjithshëm nga të gjitha këto ndeshje për dardanët është 15-12.

Pra, Kosova ka qenë dukshëm më e mirë se Çekia në vitin 2019. Marrë parasysh edhe ngritjen e madhe të Rashicës, lojtarit kryesor, mund të thuhet që kombëtarja dardane do të shkaktojë befasi dhe do të fitojë në Pëllzen.

Rezultati përfundimtar parashikojmë se do të jetë 1-2.