6 orë më parëKongresi i Frankfurtit, mundësi e mirë për prodhuesit kosovarë që synojnë tregun evropian
Periskopi(7 vite më parë)
(7 vite më parë)Në Kongresin e dytë ekonomik të organizuar nga Unioni i Bizneseve Gjermano-Shqiptare, që po mbahet në Frankfurt të Gjermanisë, po marrin shumë qindra biznese nga Kosova, të cilët po e paraqesin veprimtarinë e tyre, me synim që të bëhen pjesë e tregut evropian. Aty po merr pjesë edhe kompania “Luna”, një shoqëri e vogël e […]
Aty po merr pjesë edhe kompania “Luna”, një shoqëri e vogël e ndërtuar në fshatin Junik, e cila merret me prodhimin e mollës, qershisë, vishnjës dhe boronicës.
Agron Krasniqi nga kjo kompani, thotë se pjesëmarrja në kongresin në Frankfurt është shumë e dobishme për ta.
“Kongresi ka qenë një mundësi e mirë për krejt prodhuesit kosovar që synojnë tregun evropian, duke pasur parasysh se potenciali është shumë i madh, anëtarët e Unionit të Biznesit ka të ndryshëm. Kjo ka qenë përparësi për ne për shkak të prezantimit të produktit tonë në këtë kongres dhe për të pasur mundësi për të lidhur marrëveshje me bashkatdhetar, të cilat janë edhe anëtarë të Unionit të Bizneseve këtu në Gjermani”, thotë ai.
Sipas tij, nga ngjarje të tilla që organizohen, çdo herë e më shumë rritet numri i kontakteve dhe bashkëpunimeve.
“Kosova është një treg shumë i vogël, dhe nëse shohim potencialin që ka Unioni i Bizneseve, atëherë është fat i madh që e kemi unionin dhe mund t’i plasojmë produktet tona që i prodhojmë në Kosovë”, thotë ai.
Kongresi i dytë ekonomik i Unionit të Bizneseve shqiptaro-gjermane po mbahet në Frankfurt të Gjermanisë, ku po marrin pjesë qindra biznese, të cilat synojnë të shtrihen në tregun evropian. Gjithashtu, bizneset nga diaspora, synojnë të përcjellin mesazh të institucionet e Kosovës që të kenë lehtësira në të bërit biznes në Kosovë, dhe mos të pengohen që të investojnë në Kosovë.
