Komuna e Prishtinës ndan 50 mijë euro për Shqipërinë

Komuna e Prishtinës ka ndarë 50 mijë euro, si ndihmë për pasojat e shkaktuara nga tërmeti që ndodhi dje në Shqipëri.

Lajmin e ka bërë të ditur kryetari I Prishtinës Shpend Ahmeti pas mbledhjes së jashtëzakonshme të Kuvendit Komunal, shkruan Periskopi.

“Kuvendi Komunal i Prishtinës votoi në mënyrë unanime ndarjen e 50 mijë eurove për ndihmë nga pasjojat e tërmetit në Shqipëri”, shkruan Ahmeti.

Ai ka thënë se edhe ekipet e  inxhinierëve nga komuna dhe NPB do ti bashkangjiten ekipeve të inxhinierëve të ndërtimtarisë nga Kosova për të ndihmuar në vlerësimin e dëmeve në ndërtesa kolektive e në shkolla në Durrës e rrethinë./Periskopi/