5 orë më parëKoalicioni i kryeministrit slloven humb mbështetjen e të majtëve në Parlament
Periskopi(7 vite më parë)
(7 vite më parë)Qeveria e kryeministrit të Sllovenisë Marjan Sharac nuk ka më një shumicë të sigurt parlamentare për të miratuar projektligje pasi iu mohua mbështetja nga Partia e Majtë, për shkak të një mosmarrëveshjeje të ndërsjellë për heqjen e sigurimit shtesë shëndetësor. “Qeveria ka devijuar nga marrëveshja që kishte me ne, kështu që nuk e konsiderojmë më […]
“Qeveria ka devijuar nga marrëveshja që kishte me ne, kështu që nuk e konsiderojmë më të detyrueshme marrëveshjen për bashkëpunimin tonë me qeverinë. Tani e tutje ne do të jemi në luftë të vërtetë”, tha kryetari i Partisë së Majtë Luka Mesec para gazetarëve.
Partia e tij ka 9 deputetë në parlament dhe që nga krijimi i qeverisë së majtë-liberale të Marjan Sharec, vitin e kaluar mbështeti programet e orientuara nga qeveria shoqërore përmes një marrëveshje të veçantë, megjithëse nuk kishte asnjë përfaqësues në qeveri.
Një nga pengesat në bashkëpunimin e tyre ishte çështja e eliminimit të sigurimit shëndetësor plotësues sa më shpejt të jetë e mundur, por qeveria ka propozuar heqjen e tij qysh në vitin e ardhshëm.
Lidhur me projektligjin për heqjen e plotë të sigurimit plotësues, të paraqitur nga e majta, qeveria sot paraqiti ndryshime për ta bllokuar që të mos hidhet në votim, ndërkohë njoftoi për zgjidhjen e vet për të zëvendësuar sigurimin shëndetësor suplementar me një “tarifë të sheshtë” pothuajse me të njëjtën shumë.
Mesec nuk pajtohet me vendimin, dhe partia e tij kishte njoftuar më herët se nuk do të votojë buxhetin e shtetit këtë muaj, i cili teorikisht mund të çojë në një krizë të koalicionit qeveritar, të cilin e përbëjnë madje pesë parti.
