Kina kërcënon ShBA-të, pasi kjo e fundit i mbështeti protestuesit në Hong Kong

Ky kërcënim erdhi pasi presidenti amerikan Donald Trump nënshkroi ligjin për Të Drejta të Njeriut dhe për Aktin e Demokracisë.

Akti mandaton një rishikim të përvitshëm, për të parë nëse Hong Kongu kishte mjaftueshëm autonomi për të justifikuar statusin special me ShBA-të, shkruan BBC, përkthen Periskopi.

Z.Trump aktualisht po kërkon një marrëveshje me Kinën, në mënyrë që t’i japë fund luftës tregtare mes dy vendeve.

“ShBA-ja po shpërfill faktet dhe po shtrembëron të vërtetën,” thuhet në deklaratën e ministrit të jashtëm kinez.

“Ky vend hapur ka mbështetur kriminelët e dhunshëm që po thyejnë në mënyrë të papërgjegjshme objekte, po i vejnë zjarrin, po fyejnë civilë të pafajshëm, shkelin rendin dhe ligjin, dhe e rrezikojnë rendin social.”

Ministri kërcënoi me “kundër-masa” nëse ShBA-ja vazhdonte “të ecte në rrugën e gabuar.” /Periskopi