7 orë më parëKëto do të jenë ngjarjet më të rëndësishme të ditës sot
Periskopi(7 vite më parë)
(7 vite më parë)Një varg aktivitetesh janë paralajmëruar për tu mbajtur gjatë kësaj të hëne në Kosovë, shkruan Periskopi. Sipas listës, sot nuk do të ketë ndonjë zhvillim nga sfera politike, ose të paktën ende nuk është paralajmëruar ndonjë aktivitet politik. Më poshtë keni listën e ngjarjeve të paralajmëruara për të cilat do të mund të lexoni në […]
Sipas listës, sot nuk do të ketë ndonjë zhvillim nga sfera politike, ose të paktën ende nuk është paralajmëruar ndonjë aktivitet politik.
Më poshtë keni listën e ngjarjeve të paralajmëruara për të cilat do të mund të lexoni në Periskop.
Agjencia Kosovare e Privatizimit (AKP) mban ceremoninë e dorëzimit dhe hapjes së ofertave – shitja përmes likuidimit 52”. (Salla e konferencave hotel “Grand” Prishtinë, ora 9:00)
Hapet Konventa e bizneseve të diasporës dhe të huaja, organizuar nga Dega Evropiane e Rrjetit të Bizneseve të Diasporës Shqiptare (RRBDSH-së). (Hotel “Emerald” Prishtinë, ora 9.30)
Akademia e Shkencave dhe Arteve e Kosovës dhe Ambasada e Hungarisë në Kosovë promovojnë librin “These were hard times for Skanderbeg, but he had an ally, the hungarian Hunyadi”. (Salla e ASHAK, ora 10.00)
Agjencia Kosovare e Privatizimit (AKP) do të organizojë një aksion humanitar për dhurimin e gjakut nga zyrtarët e AKP-së, në bashkëpunim dhe për nevoja të Qendrës Kombëtare të Transfuzionit të Gjakut të Kosovës (QKTGjK). (Zyra qendrore e AKP-së, ora 10:00)
Biblioteka Kombëtare e Kosovës “Pjetër Bogdani” shënon 75-vjetorin e themelimit. (Holli i Bibliotekës, ora 11.00)
Qendra për Këshillim, Shërbime Sociale, dhe Hulumtime – SIT organizon aktivitetin “Tregimi i fundit”, në kuadër të kampanjës së përvitshme 16 Ditët e Aktivizmit. (Përballë ndërtesës së Kuvendit të Republikës së Kosovës, ora 11:00, ndërsa nënshkrimi i zotimit për luftimin e dhunës kundër grave do të bëhet në ora 12:00)
Hapet ekspozita “Lufta e Kosovës në shtypin britanik 1998-1999″. (Biblioteka Kombëtare e Kosovës “Pjetër Bogdani”, ora 12:00)
Mekanizimi Kundër Dhunës në Familje, me rastin e hapjes së fushatës 16 ditore Kundër Dhunës në Familje, mban marsh sensibilizues. (Nisja nga objekti i Komunës së Gjakovës (ish-Bankos) dhe do të vazhdojë deri te “Çarshia e Vogël”. (Ora 12:30)
UN Women organizon hapjen e Fushatës “16 Ditët e Aktivizmit kundër Dhunës me Bazë Gjinore”, e cila do të shoqërohet me ndriçimin e Bibliotekës Kombëtare “Pjetër Bogdani” në Prishtinë në ngjyrën portokalli. (Biblioteka Kombëtare “Pjetër Bogdani”, ora 19:00)
