Japoni: Ndalohen syzet në punë, arsyet do t’ju habitin

Në punë pa syze, më mirë lente kontakti! Kjo ka bërë që në rrjetet sociale femrat japoneze të kundërshtojnë rregullin e vendosur nga kompanistë dhe ndërrmarrjet.

Me hashtagun #glassesban (ndalohen syzet), ato kanë nisur një fushatë aktive në Tëitter për të ndaluar këtë diskriminim në punë.

Në fillim tualetim, më pas takat dhe tashmë syzet”, shkruhet në disa postime. Kjo pasi punonjësve iu kërkua që të lyeheshin, të mbanin taka dhe tashmë të mos kenë syze.

“Nëse rregullat iu ndalojnë vetëm femrave që të mbajnë syze, atëherë bëhet fjalë për diskiminim”, deklaroi Kanae Doi, drejtore e Human Rights Ëatch në Japoni.

Por cila është arsyeja e ndalimit të syzeve? Për kompanitë ajrore bëhet për arsye sigurie, ndërsa kompanitë kozmetike prtetendojnë se klientët nuk e shikojnë dot tualetin e shitëseve pas syzeve.

Ndërsa rrjetet e hoteleve thonë, se pas syzeve punonjëset e recepsionit japin një pamje të ftohtë. Ndërsa lokalet dhe restorantet tradicionale thonë se syzet nuk shkojnë me kimonot, shkruan noa.al

Kjo ka bërë që femrat të ngrihen në protestë, duke kërkuar që i njëjti rregull të respektohet edhe për meshkujt. Në muajin qershor, iu kërkua qeverisë së Shinzo Abe që të hartonte një ligj për të ndaluar detyrimin e mbajtjes së takave të larta në zyetë.

Në Japoni, nuk ekziston një normë që imponon një kod të veçantë veshjeje në punë, por praktikisht është e pamundur për një femër që të gjejë punë, pa mbajtur taka të larta.