2 orë më parëIsmet Munishi e krahason sistemin e futbollit të Kosovës me Korenë e Veriut
Periskopi(7 vite më parë)
(7 vite më parë)Ismet Munishi beson se do të dënohet së paku dy ndeshje pas kartonit të kuq që mori ditë më parë ndaj Gjilanit. Ballkani e siguroi një fitore të madhe vikendin që lamë pas, me rezultat 2:1 në stadiumin e qytetit në Suharekë, në kuadër të xhiros së 16-të të këtij sezoni të Ipko Superligës së […]
Ballkani e siguroi një fitore të madhe vikendin që lamë pas, me rezultat 2:1 në stadiumin e qytetit në Suharekë, në kuadër të xhiros së 16-të të këtij sezoni të Ipko Superligës së Kosovës.
Në minutën e 85-të të ndeshjes, trajneri i Ballkanit u ndëshkua me karton të kuq, për shkak të protestimeve të cilat sipas gjyqtarit Genc Nuza ishin të tepërta.
Përderisa po dilte nga fusha, Munishi i duartrokiti tifozët e Ballkanit dhe pastaj u ul në fushë dhe filloi t’i rregullojë këpucët e tij.
Pasi u ngrit në këmbë, ai e dërgoi edhe një puthje me dorë në drejtim të lojtarëve, trajnerëve e gjyqtarëve dhe pastaj shkoi drejt tunelit.
“Nuk e di, por pres që të pezullohem për dy ndeshje, ta shohim se çfarë vendimi do të marrë Komisioni Disiplinor”, ka thënë Munishi në ‘Rock n’Roll Football’.
Duke qenë tashmë i ndëshkuar tre herë me karton të kuq këtë edicion dhe me akuzat e shumta ndaj gjyqtarëve kosovarë, Munishi zbulon tutje edhe një rast interesant.
“Duhet të zbutet ky sistem sikur në Kore të Veriut, kam apelua edhe te FFK-ja ndaj një gjyqtari, por nuk janë marrë masa, nuk e di pse”, shtoi Munishi.
Tri pikët e asaj ndeshjeje patën vlerë të madhe, pasi që Ballkani e ka marrë kreun e Superligës me 34 pikë të fituara nga 16 ndeshjet e para – dhjetë fitore, katër barazime dhe dy humbje.
