Hoti: Vetëvendosje të përcaktohet, a dëshiron respektimin e ligjit apo votat kriminale nga Serbia

Ish-deputeti i NISMA’s Enver Hoti, ka thënë se me vendimin e PZAP për largimin e votave të kontrabanduara nga Serbia nuk humb asnjë parti.

Ai thotë se Vetëvendosje duhet të përcaktohet se a dëshiron ta respektojë ligjin apo kontrabandimin e votave kriminale.

Ja shkrimi i tij në FB:

Me vendimin e PAZP – së, për largimin e votave të paligjëshme të kontrabanduara nga Serbia, asnjë parti politike në Kosovë nuk humbë as një Deputet, në fakt secila e merr atë që e ka fituar nga vota e lirë, e rregullt dhe ligjore që është dhënë nga qytetarët e Republikës së Kosovës.

Në Kosovë po flitet gabimisht se dikush humbi e fitoj vota nga një vendim ligjor i PAZP-së. Jo jo askush nuk ka fituar e humbur nga ai vendim, por ka fituar sovrani me votën e tij të lirë. Nëse ka humbës, Ata janë kontrabanduesit dhe shkelsit e ligjit, si edhe ata që kanë vullnet ta grabisin vullnetin e sovranit.

LVV-së, duhet të përcaktohet qartë: është për të respektuar ligjin apo kontrabandimin e votave kriminale? Ata duhet ta dinë se me vota të kontrabanduars, të ardhura nga Serbia, nuk mund të shkelin mbi vullnetin e mbi 40.000 qytetarëve shqiptar!

Dua të theksoj qartë se as LVV – ja dhe as një parti tjetër nuk e humbë as një deputet nga vendimi i PZAP-së, por secili merrë atë që ia ka dhënë sovrani me 6 tetor 2019!

Prandaj stop çdo lloj presioni ngado qe vije, stop çdo thirrje për të deformuar vullnetin e qytetarëve të Republikës se Kosovës me votat e kontrabanduara nga Serbia. Askush nuk po e cenon daljen e LVV-së, si parti e parë në zgjedhjet e 6 tetorit.

NISMA kërkon zbatim dhe mbrojtje Kushtetutës e të ligjit për zgjedhjet në Republikë e Kosovë, as më pak as më shumë.