Haradinaj niset drejt Shqipërisë, viziton zonat e prekura nga tërmeti

Kryeministri në detyrë i Kosovës, Ramush Haradinaj, do të udhëtojë sot për në Shqipëri, ku do t’i vizitojë zonat e prekura nga tërmeti i 26 nëntorit.

Kështu ka bërë të ditur zyra për informim e kryeministrit të Kosovës.

“Kryeministri në detyrë i Republikës së Kosovës, Ramush Haradinaj, gjatë ditës së sotme, me bashkëpunëtorë udhëton për në Shqipëri për të vizituar zonat e prekura nga tërmeti”, thuhet në njoftim.

Kryeministri I Shqipërisë Edi Rama duke treguar për bilancin e deritanishëm të tërmetit tragjik, ka njoftuar se numri I personave që kanë humbur jetën si pasojë e tërmetit ka shkuar në 49 ndërsa mbi  750  janë të lënduar./Periskopi/