6 orë më parëGjilani shton kapacitetin e ujit të pijshëm me 25 litra për sekondë
Periskopi(7 vite më parë)
(7 vite më parë)Kryetari i Komunës së Gjilanit, Lutfi Haziri, ka paralajmëruar se së shpejti kësaj komune do t’i shtohet kapaciteti i ujit të pijshëm për 25 litra për sekondë, ndërsa ka apeluar te qytetarët që të vazhdojnë ta kursejnë ujin e pijshëm për ta përballuar gjendjen. Haziri e bëri të ditur lajmin pas vizitës së punimeve në […]
Haziri e bëri të ditur lajmin pas vizitës së punimeve në hapjen e tre puseve të reja në kazermën e Batalionit të Shpejtë të FSK, së bashku me drejtorin e kompanisë regjionale të ujit Hidromorava, Muhamet Suliqi.
Ai tha se me mjetet e ndara prej 200.000 eurosh nga Komuna dhe Hidromorava, po bëhen hulumtime në lagjen Fidanishte, ku shpreson që shpimet e reja të sjellin rezultat për ta zbutur situatën emergjente të furnizimit me ujë të pijshëm, teksa apeloi edhe te qytetarët që të vazhdojnë ta kursejnë ujin e pijshëm.
Ndërsa, drejtori i kompanisë regjionale të ujit Hidromorava, Muhamet Suliqi, tha se beson që shumë shpejtë do të aktivizohen këto puse, ndërkaq nga java e ardhshme do të kalohet në Fidanishte për hapjen e puseve të reja.
“Aktualisht po furnizohemi prej katër burimeve, nga penda e Përlepnicës, “Guri i Hoxhës”, në burimin e ujit në fshatin Velekincë dhe te “Baja””, u shpreh ai.
