Gjeologët amerikanë: Shqipëria nuk është në “Unazën e Zjarrit”

Shërbimi Gjeologjik i Shteteve të Bashkuara që cilësohet si një ndër më kredibilët në botë, raporton mbi tërmetin në Shqipëri e që ishte 6,4 shkallë të Rihterit.

Tërmeti ka zgjuar interesin e mediave të ndryshme ndërkombëtare në lidhje me afektimin eventual të vendeve të tyre.

Gazeta britanike Ekspres ka zbuluar disa detaje të ndryshme në lidhje me rastin, shkruan Periskopi.

Gjëja e parë që sqarohet është se Shqipëria nuk rrezikohet nga cunamit dhe se nuk ka pasur ndonjë paralajmërim për dallgë të mëdha.

Por, a ndodhet Shqipëria në të ashtuquajturën “Unazë e Zjarrit”?

“Shqipëria nuk është në Unazën e Zjarrit, një unazë famëkeqe në bazenin e Paqësorit, me aktivitet të vrullshëm sizmik. Rreth 90 për qind e të gjithë tërmeteve ndodhin në Unazën e Zjarrit. Megjithatë, aktiviteti sizmik mund të ndodhë kudo dhe Shqipëria ka përjetuar tërmete në të shkuarën”.

“Siç shihet në hartën e mëposhtme, Shqipëria është pranë linjës së pllakës tektonike që kalon poshtë Italisë, duke e bërë rajonin të ndjeshëm ndaj lëkundjeve”.

Më tej, Ekspresi britanik sqaron lexuesit e saj se Shqipëria është vendi më i varfër në Evropë. /Periskopi