8 orë më parëFiton populli: Xheremi Korbin lanson manifestin më radikal të Laboristëve qe disa dekada
Periskopi(7 vite më parë)
(7 vite më parë)Xheremi Korbin [Jeremy Corbyn] ka lansuar manifestin më radikal të Partisë Laboriste për dekada të tëra, duke premtuar një “blic investimesh” që nuk do t’i linte vend të paprekurve të Britanisë, miliarderëve, bizneseve të mëdha dhe investuesve të dyshimtë. Duke folur në një event në Universitetin e Birmingham Cityt, ku studentët dhe aktivistët kishin ngjitur […]
Duke folur në një event në Universitetin e Birmingham Cityt, ku studentët dhe aktivistët kishin ngjitur banere nëpër ballkone ku tregoheshin politikat laboriste, Korbini kërkoi votën për “shpresën” në zgjedhjet e përgjithshme që do të mbahen pas tri javësh.
Në qendër të manifestit është pjesa e titulluar “Koha për Ndryshim të Vërtetë”, e cila rrit në mënyrë të madhe investimet publike, të financuara nga taksat mbi korporatat dhe njerëzit me paga të larta.
Lideri laborist e quajti atë “një manifest të mbushur me politika popullore që pushteti i ka bllokuar qe një gjeneratë,” dhe që dukej shumë më radikal se programi partiak i vitit 2017, shkruan The Guardian, përcjell Periskopi.
Korbini ngulmoi që, siç kishin premtuar Laboristët në vitin 2017, nuk do të kishte rritje taksash për 95% të njerëzve, ndërkaq 5%shi që merrte mbi 80 mijë funte do ta pësonte.
“Mund ta keni këtë plan për ndryshim të vërtetë, sepse nuk iu duhen paratë për ta blerë atë: ju duhet veç vota,” tha ai.
Qeveria laboriste do t’i jepte punëtorëve të subjektit publik një rritje page prej 5% prej vitit të ardhshëm. /Perisokpi
