8 orë më parëFamilja shqiptare nuk del jashtë nga gjakmarrja: Më mirë të na vras tërmeti, se hasmi
Periskopi(7 vite më parë)
(7 vite më parë)Historia e familjes Llapaj është akoma më tragjike pasi fati i saj është i dënuar edhe nga gjakmarrja. E tronditur jo vetëm nga tërmeti që paralizoi vendin por tashmë është e frikësuar nga hasmi i saj. Anëtarët e kësaj familjeje janë të detyruar të jetojnë në kushte ekstreme, nuk mund të largohen nga banesa për […]
E tronditur jo vetëm nga tërmeti që paralizoi vendin por tashmë është e frikësuar nga hasmi i saj.
Anëtarët e kësaj familjeje janë të detyruar të jetojnë në kushte ekstreme, nuk mund të largohen nga banesa për shkak se hasmi ndodhet vetëm 50 metra nga oborri i saj.
E tensionuar dhe me thirrjen për ndihmë ajo tregon për Abc News, se jeton vetëm me 30 mijë lekë të vjetra: ”Nuk mund të blej as ilaçe, as bukë, i lutem shtetit të vendosi dorë”, tha ajo.
”Mjekimet shëndetësore i marrë njëherë me para ose me ndihma nga njerëzit e mi, sepse më duhen 3 pompa frymëmarrje të astmës, me duhet korenti i vazhdueshëm dhe nuk kam mundësi ekonomike të paguaj”.
Mes të tjerash ajo tregon se ”Kryetari i Bashkisë Thumanë nuk i është përgjigjur thirrjeve të saj për ndihmë, nuk ma hap telefonin”, tha Sadija.
Sadija rrëfen momentet frikësuese të tërmetit: “Kur ra tërmeti ishim në dhomë dhe mu bllokua dera, kur mbaroi tërmeti dola”.
Mes dhimbjesh ajo e pranon realitetin, por kërkon nga shteti vetëm një banesë të sigurt.“Jeta kështu është, do jetojmë në këto kushte, nuk kemi rrugëzgjidhje për ne nuk është interesuar njeri”, janë fjalët e saj.
Ndërkohë ajo tregon se djali i saj është i pa punë, një student i infermierisë së përgjithshme, por që tashmë e ka lënë shkollën dhe përpiqet të punojë ku të mundet.
