Edi Rama: I kemi shpëtuar 28 vetë, fjalët i merr era

Kryeministri i Republikës së Shqipërisë, Edi Rama, ka reaguar sërish në profilin e tij zyrtar në Facebook ku tregon se “numri i të shpëtuarve ka mbërritur në 28”.

Mediat shqiptare raportojnë se 11 vetë tashmë kanë humbur jetën nga tërmeti shkatërrues 6,4 ballësh që kishte epiqendrën 25 kilometra larg Durrësit.

Mbi 600 vetë thuhet të jenë plagosur, shkruan Periskopi.

Ndërkohë, Rama lajmëron shqiptarët se skuadra speciale nga Kosova, Italia, Greqia, Franca, Serbia dhe Mali i Zi do t’i bashkohen forcave shqiptare në përpjekjet për shpëtim.

Ky është statusi i plotë e i paredaktuar i z.Rama:

Sapo ka mbërritur në 28 numri i të shpëtuarve?

Do të vijojnë kërkimet që do të kryhen me durim e imtësi deri në fund, ndërkohë që pas pak orësh do fillojnë të na bashkohen njëra pas tjetrës skuadrat speciale nga Kosova, Italia, Greqia, Franca, Turqia, Serbia, Mali i Zi?

Por lehtësimi për çdo jetë të shpëtuar nuk bën më të vogël dhimbjen për jetët e humbura dhe keqardhjen e jashtëzakonshme për familjet që lotojnë të humburit?

Edhe pse fjalët i merr era në këto momente kaq tragjike, u përcjell ngushëllimet e përqafimet më vëllazërore familjeve që tani qajnë njerëzit e tyre?