5 orë më parëDemonstronin një eksperiment, mësuesja amerikane ia djeg fytyrën nxënësit
Periskopi(7 vite më parë)
(7 vite më parë)Një mësuese në një shkollë të mesme në Georgia të Shteteve të Bashkuara e shkaktoi një incident serioz në kohën kur po e demonstronte një eksperiment para nxënësve. Ajo po mundohej të tregonte se si bankënota prej pesë dollarësh, e zhytur në alkool, nuk digjet. Megjithatë, gjithçka shkoi keq. Malachi McFadden, 16 vjeç, pësoi djegie […]
Ajo po mundohej të tregonte se si bankënota prej pesë dollarësh, e zhytur në alkool, nuk digjet. Megjithatë, gjithçka shkoi keq.
Malachi McFadden, 16 vjeç, pësoi djegie të shkallës së tretë në fytyrë, qafë dhe trup dhe u desh t’iu nënshtrohej disa operacioneve pasi mësuesja e kimisë, Bridgette Blowe, 36 vjeçe, e bëri eksperimentin për djegie të kartëmonedhës së lagur me alkool.
Në deklaratat e dëshmitarëve thuhet se stafi i shkollës kishte ndërhyrë për t’i shuar flakët në trupin e djaloshit.
Eksperimenti që u krye nga mësuesja është shumë i popullarizuar në internet, por në disa raste shihet se ai nuk shkon si duhet.
Udhëheqësia e shkollës tha se mësuesja është suspenduar me pagesë, por se nuk është marrë ndonjë masë tjetër disiplinore ndaj saj.
Megjithatë, avokati i djaloshit paralajmëroi se do të kërkojnë dëmshpërblim për dhimbjet dhe vuajtjet e nxënësit dhe për shpenzimet e spitalit, përfshirë shpenzimet për operacionin plastik, shkruan “Daily Mail”.
