6 orë më parëBloomberg hyn në garën për president të Shteteve të Bashkuara
Periskopi(7 vite më parë)
(7 vite më parë)Ish-kryetari i bashkisë së Nju Jorkut dhe miliarderi amerikan Michael Bloomberg, 77-vjeç, ka njoftuar se do të kandidojë për kandidat presidencial. “Unë jam duke kandiduar për president për të mposhtur Donald Trump dhe për të rindërtuar Amerikën. Ne nuk mund të lejojmë katër vjet të tjerë veprimesh të pamatur dhe jo etike nga presidenti Trump. […]
“Unë jam duke kandiduar për president për të mposhtur Donald Trump dhe për të rindërtuar Amerikën. Ne nuk mund të lejojmë katër vjet të tjerë veprimesh të pamatur dhe jo etike nga presidenti Trump. Ai është një kërcënim ekzistencial për vendin dhe vlerat tona. Nëse ai fiton një mandat tjetër, ne kurrë nuk mund të rikuperohemi nga dëmi, “shkroi ish-republikani në faqen e tij.
Bloomberg njoftoi emërimin 10 javë para fillimit të zgjedhjeve partiake për kandidatët presidencialë. Investimi i tij i madh në prioritetet demokratike, siç janë ndryshimi i klimës dhe kontrolli i armëve, i mbështetur nga një pasuri e madhe personale, mund t’i jepnin atij shumë vota.
Miliarderi tashmë ka ndarë 30 milionë dollarë për reklamat televizive në disa shtete, transmeton KosovaPress.
Bloomberg ishte një përkrahës i Partisë Demokratike deri në vitin 2001, kur iu bashkua republikanëve para zgjedhjeve për kryetar bashkie dhe u zgjodh si kandidat i tyre.
Ai u rizgjodh kryebashkiak i Nju Jorkut në vitin 2005. Katër vjet më vonë, si një kandidat i pavarur, mori një mandat të tretë si njeriu i parë i Nju Jorkut.
Deri më tani, gjithsej nëntë kandidatë janë nominuar nga Partia Demokratike, dhe 17 vazhdojnë të bëjnë fushatë.
Zgjedhjet presidenciale në SHBA do të mbahen më 3 nëntor 2020.
