Blerim Latifi parashikon dështimin e qeverisë së re

Profesori dhe filozofi,  Blerim Latifi, thotë se secila qeveri në Kosovë është paracaktuar të dështojë.

Latifi parashikon se ngjashëm do të ndodhë edhe me qeverinë e ardhshme, e cila pritet të  formohet nga koalicioni LVV-LDK.

Kjo do të ndodhë thotë Latifi, për shkak se ‘objektivisht e ka të pamundur ta mbyll hendekun e thellë i cili ekziston midis pritjeve të mëdha që kanë njerëzit nga qeveria dhe burimeve të kufizuara financiare të saj’.

Postimi i plotë i Latifit në Facebook

Zakonisht kur ndodhin rotacionet politike, njerëzit përfshihen prej një lloj entusiazmi se tash e tutje gjërat do të lëvizin në drejtimin e duhur. Në Kosovë, ky entusiazëm kalon shpejt, sepse shpejt kuptohet se fati i qeverisë së re, pak a shumë, do të jetë i ngjashëm me atë të qeverive të kaluara. Secila qeveri në Kosovë është paracaktuar të dështoj, për shkak se objektivisht e ka të pamundur ta mbyll hendekun e thellë i cili ekziston midis pritjeve të mëdha që kanë njerëzit nga qeveria dhe burimeve të kufizuara financiare të saj. Kur krejt kësaj i shtohen edhe keqmenaxhimi i këtyre burimeve dhe korrupsioni i militantëve të ardhur në pushtet, atëherë dështimi vetëm sa përshpejtohet dhe mandatet ndërpriten para kohe.