8 orë më parëAvni Arifi për shpenzimet mbi 50 mijë euro: Shpenzimet në dialog janë mbuluar nën emrin tim
Periskopi(7 vite më parë)
(7 vite më parë)Avni Arifi, ambasador i Kosovës në Emiratet e Bashkuara Arabe, ka reaguar pas lajmit për shpenzimet gjatë kohës sa ishte në Zyrën e Kryeministrit. Koha.net, ka publikuar një lajm me document nga shpenzimet e z.Arifi, ku shihet se më shumë se 50 mijë euro janë harxhuar nga ai, në kohën sa ishte shef i kabinetit […]
Avni Arifi, ambasador i Kosovës në Emiratet e Bashkuara Arabe, ka reaguar pas lajmit për shpenzimet gjatë kohës sa ishte në Zyrën e Kryeministrit.
Koha.net, ka publikuar një lajm me document nga shpenzimet e z.Arifi, ku shihet se më shumë se 50 mijë euro janë harxhuar nga ai, në kohën sa ishte shef i kabinetit të Haradinajt.
Ndërkohë, Arifi përmes një statusi në Facebook shkruan se shumë nga shpenzimet e dialogut që janë krijuar në vitin 2018 janë mbuluar nga ZKM nën emrin e tij dhe kartela që ai ka pasur.
“Qeveria në largim nuk kishte ministri për dialog siç kishte Qeveria e mëparshme e as fond të veçantë për bisedime siç kishte gjithmonë. Shumë nga shpenzimet e dialogut që janë krijuar në vitin 2018 janë mbuluar nga ZKM nën emrin tim dhe kartela që e kam pas. Po ashtu në disa raste fatura të ngjarjeve të përbashkëta të kabinetit janë mbuluar nga kartela ime. Për keqardhje mënyra e sqarimit të shpenzimeve nga ana e Zyrës së Kryeministrit, e edhe më keq kategorizimi i shpenzimeve. Me një kategorizim të tillë tërësisht skandaloz është i kuptueshëm çdo konkluzion edhe kur është i pasaktë”, shkruan ai.
Postimi i plotë:
Ne shtypin ditor të Kosovës është lakuar emri im si protagonist i shpenzimeve gjatë qëndrimit tim 20 mujor në Zyrën e Kryeministrit. Dua të potencoj se këto nuk janë shpenzime të Avni Arifit e as vetëm të shefit të stafit të Kryeministrit por edhe të shefit pēr bisedime me Serbine. Qeveria në largim nuk kishte ministri për dialog siç kishte Qeveria e mëparshme e as fond të veçant për bisedime siç kishte gjithmonë. Shumë nga shpenzimet e dialogut që janë krijuar në vitin 2018 janë mbuluar nga ZKM nën emrin tim dhe kartela që une e kam pasë. Po ashtu nē disa raste fatura të ngjarjeve të përbashkëta të kabinetit janë mbuluar nga kartela ime.
Pēr keqardhje mënyra e sqarimit të shpenzimeve nga ana e Zyrës së Kryeministrit, e edhe më keq kategorizimi i shpenzimeve. Me një kategorizim të tillë tërësisht skandaloz ēshtë i kuptueshëm cdo konkluzion edhe kur është i pasaktë.
