2 orë më parëAs Shpendi, as Ramushi, as Dardani: Deputetit të LDK-së i humbën gati 100 mijë vota prej 2017
Periskopi(7 vite më parë)
(7 vite më parë)Rezultatet e kandidatëve për deputetë nga zgjedhjet e parakohshme të 6 tetorit ishin mjaft befasues, me disa prej tyre që ishin rritur ndjeshëm dhe disa të tjerë që kishin humbur drastikisht vota. Kryetarin e Komunës së Prishtinës, z.Shpend Ahmeti, qytetarët e Kosovës nuk e deshën si deputet.Në zgjedhjet e 2017-s, Ahmeti i kishte marrë 76 […]
Kryetarin e Komunës së Prishtinës, z.Shpend Ahmeti, qytetarët e Kosovës nuk e deshën si deputet.Në zgjedhjet e 2017-s, Ahmeti i kishte marrë 76 mijë e 17 vota në kuadër të Lëvizjes Vetëvendosje. Por, si kryetar i Partisë Socialdemokrate dhe si pjesë e koalicionit AAK-PSD ai i fitoi vetëm 5 mijë e 881 vota në mare Kosovën duke shënuar humbje prej gati 71 mijë votash.
Humbje drastike në këto zgjedhje ka shënuar edhe bashkëpartiaku i tij, z.Dardan Molliqaj që në këto zgjedhje i mori 4 mijë e 83 vota ndërkohë që më 2017 i kishte pasur mbi 49 mijë.
Humbës të mëdhenj të zgjedhjeve janë edhe deputetët karizmatikë, Labinot Tahiri e Milaim Zeka. Por edhe dy figurat e moçme të Kuvendit, Xhavit Haliti e Ismet Beqiri, shkruan Periskopi.
Por, deputeti që humbi më së shumti vota ishte z.Avdullah Hoti.
Megjithëse u promovua si kandidat për kryeministër, në fakt edhe z.Hoti ishte si gjithë të tjerët në listë – kandidat për deputet – meqë kandidati për kryeministër nuk gëzon kurrfarë statusi zgjedhor. Dhe si i tillë, ai arriti në shifrën prej 115 mijë e 693 votave.
Ndërkohë që në këto zgjedhje, z.Hoti ka arritur 26 mijë e 155 vota duke u konfirmuar si një ndër figurat më të forta në LDK por njëkohshëm edhe duke thyer rekordin e votave të humbura.
Nga rezultatet që mund t’i shihni, del se z.Hoti i ka humbur 89 mijë e 538 vota për vetëm dy vjet. /Periskopi
