Apeli i ministres Xhaçka: Largohuni nga banesat që janë të dëmtuara

Ministrja e Mbrojtjes Olta Xhaçka, përmes një  konference për media ka informuar për masat e marra për përballimin e situatës pas tërmetit.

Xhaçka ka apeluar tek të gjithë banorët, banesat e të cilëve janë dëmtuar që të pranojnë të zhvendosen nga atje që të shmangun rrezikun për veten dhe familjet e tyre, raporton Periskopi.

“Nëse shtëpia e juaj është e dëmtuar, mos e bëni ekspertin vetë. Mos e rrezikoni veten dhe familjen tuaj. Janë hotelet më të mira të Tiranës, Lezhës dhe Shëngjinit. Mos qëndroni në banesa nëse janë të dëmtuara derisa të behet ekspertiza e tyre”, ka thënë Xhaçka.

Ajo ka bërë të ditur se sot ka nisur vlerësimi i rrezikshmërisë së banesave nga ekipe shqiptare e të huaj, ndërsa në bazë të këtij vlerësimi do të fillojnë edhe zhvendosjen e banorëve që insistojnë të qëndrojnë në shtëpitë e tyre.

Ministrja e Mbrojtjes  ka siguruar se askush nuk do të mbetet në rrugë, ndërsa ka thënë se qëndrimi në çadra nuk mund të jetë një zgjidhje afatgjatë.

“Jemi duke bërë gjithçka për të garantuar çadrat e nevojshme për të siguruar mbrojtjen nga shiu dhe të ftohtit e dimrit. Tani ka nisur shpërndarja e 100 e çadrave, por kjo është një zgjidhje e përkohshme”, deklaroi ministrja Xhaçka. /Periskopi/