Show-bizi kosovar në sherre të mëdha: Nga Bentley i vjedhur i Morenës e deri te zhvatja e Loredanës

Por, në Kosovë skandalet e këtyre këngëtarëve nuk kanë të sosur edhe pse shumë prej tyre promovojnë aktivitete bamirësie.

Së pari, është problemi i madh i ikjes nga tatimi për paratë që i marrin nëpër ahengje familjare e publike, dasma e koncerte, por edhe për fitimet që marrin në forma të tjera, shkruan Periskopi.

Së fundi, doli skandali i këngëtares dhe modeles Morena Taraku, e cila u mundua ta fuste në Kosovë një veturë që vlente 250 mijë euro. Periskopi raportoi se kjo veturë sipas Prokurorisë dilte e vjedhur në Gjermani dhe se nuk ishte e re siç pretendonte Taraku.

Muaj më parë, shoqëria kosovare u trondit nga një tjetër skandal i përmasave ndërkombëtare. Reperja Loredana Zefi, akuzohej se i kishte zhvatur nga një çift zviceran përmes mashtrimit plot 700 mijë franga.

Ajo ishte arrestuar dhe bastisur nga autoritetet zvicerane në Luzern të Zvicrës. Loredana përfaqësohej në Kosovë nga avokati i njohur Tomë Gashi.

Po ashtu, në shumë prej këngëve dhe spoteve të promovuara, showbizi kosovar ka demonstruar vlera tepër prapanike dhe problematike për sfera të ndryshme shoqërore. Në zgjedhjet e parakohshme të 6 tetorit, disa prej tyre ishin përfshirë madje edhe në politikën vendore duke mbështetur parti të caktuara politike.

Por, a janë këto probleme të veçuara apo manifestime të problemeve të mëdha me show-bizin tonë, mbetet të shihet në ditët në vijim. /Periskopi