Shenasi Rama: Zgjedhjet treguan se në të vërtetë nuk pati fitues të qartë

Rama ka thënë se këto zgjedhje nuk pati fitues të qartë, duke thënë se me qenë i pari nuk do të thotë të jesh fitues.

Ai po ashtu ka thënë se nxitimi i Albin Kurtit për të ndërruar diskurs politik është i pakëndshëm.

“Me shumë gjasa qeverinë e formojnë titistët e vjetër intelektualë me oportunistët e rinj që dolën nga lufta. Këta janë të gatshëm me u gjinde”, ka thënë ndër të tjera ai.

Shkrimi i tij i plotë:

DHJETË GJËRA NË LIDHJE ME ZGJEDHJET NË KOSOVË

1. Një urim i përzemërt dhe shumë i merituar për popullin e Kosovës, sjellja qytetare dhe demokratike e shqiptarëve është shembullore dhe na bën krenarë të gjithëve.
   2. Po shihet qartë e përditë me qartë se se sytë e shqiptarëve po kthehen nga Kosova si qendër e kombit shqiptar.
   3. Sukseset e shqiptarëve dhe sjellja e tyre në Kosovë ka treguar se në Shqipëri fajin e ka paria e Tiranës.
   4. Zgjdhjet treguan se në të vërtetë nuk pati fitues të qartë. Fitorja është me ata që e ndërtojnë koalicionin. Me kenë i pari nuk don me thanë me kenë fitimtari.
   5. Nguti i Albin Kurtit me ndrrue kurs politik është shumë i pakandshëm. Nuk garanton askënd, dhe nuk po i bind ata që synon me i bindë. Vetëvendosja si parim ka qënë e vdekur nme mbarimin e LIIB dhe përfundimisht me Konferencën e Helsinkit.
   6. Qeverinë e formon kush bashkëpunon me Listën Serbe. Kushtet e Listës serbe janë krejt të qarta.
   7. Nuk duhet me harrue se Kosova eshte vetëm një shtet protektorat pa sovranitet të mirëfilltë. Dhe mundesite e hapesira për veprim janë të ngushta.
   8. Ndarja qytet-fshat është më e thellë se kurrë. Por shqiptarët janë duke u treguar shumë më kombëtaristë se paria sunduese e tyre.
   9. Me shumë gjasa qeverinë e formojnë titistët e vjetër intelektualë me oportunistët e rinj që dolën nga lufta. Këta janë të gatshëm me u gjindë.
   10. Edhe pa u ba qeveria formalisht, detyrat e saj janë të qarta dhe të tilla që nuk lënë shumë hapësirë për veprim.