3 orë më parëProkuroria kërkon paraburgim për vëllain e Xhafer Tahirit
Periskopi(7 vite më parë)
(7 vite më parë)Prokuroria Themelore në Mitrovicë, Departamenti i Krimeve të Rënda, ka kërkuar caktimin e paraburgimit për vëllain e kryetarit të Vushtrrisë, për veprën penale “Ushtrim i ndikimit” dhe për Sh.K. po ashtu për “Ushtrim të ndikimit”. Salih Tahiri, vëllai i kryetarit të Vushtrrisë Xhafer Tahiri, u arrestua të hënën pak ditë pasi u publikua një videoskandal […]
Salih Tahiri, vëllai i kryetarit të Vushtrrisë Xhafer Tahiri, u arrestua të hënën pak ditë pasi u publikua një videoskandal ku ai dëgjohej duke diskutuar për marrje ryshfeti në këmbim të lejeve ndërtimore.
“Ndalimi i dy të dyshuarve ka ardhur pas një video-incizimi të publikuar nëpër media, e në të cilat incizime pretendohet se dëgjohet S.T, i cili është vëllai i kryetarit të Komunës së Vushtrrisë Xh.T. Me t’u publikuar video-incizimi, Kryeprokurori i Prokurorisë Themelore në Mitrovicë – Shyqyri Syla, ka urdhëruar Njësinë Rajonale për Hetimin e Krimit Ekonomik dhe Korrupsionit në Mitrovicën e Jugut, që të nisë hetime përkitazi me publikimin e këtij video-incizimi, ku pas hetimeve janë ndaluar dy të dyshuarit S.T dhe Sh.K, dhe për momentin gjenden në ndalim 48 orësh”, bëhet e ditur në një komunikatë për media.
Seanca dëgjimore për caktimin e masës së paraburgimit pritet të mbahet para gjyqtarit të procedurës paraprake në Gjykatën Themelore në Mitrovicë.
Xhafer Tahiri, kryetari i Vushtrrisë ishte distancuar nga të bëmat e vëllait të tij duke akuzuar ShIK-un e PDK-në.
Sidoqoftë, LDK-ja e tij përfundoi e treta në Vushtrri në zgjedhjet e parakohshme të 6 tetorit. /Periskopi
