Policia tregon për Periskopin pse ia ndaluan hyrjen në kufi ndihmëses së Marko Gjuriqit

Policia e Kosovës ka konfirmuar për Periskopin këtë ndalesë, duke treguar arsyet.

‘’Policia e Kosoves ne pikat kufitare ju ndalon hyrje/daljen personave qe nuk plotesojne kriteret dhe dokumentacionet e aplikushme per qarkullim kufitar. Po ashtu ndalimi i hyrje/daljeve ju behet personave qe sipas vendimeve te organeve kompetente ju refuzohet hyrja/kalimi kufitar’’, thuhet në përgjigjen e Policisë për Periskopin.

Zyra për Kosovën në qeverinë serbe ka thënë se dy muajt e fundit përfaqësuesit e kësaj zyre i janë nënshtruar maltretimeve sistematike nga ana e Policisë së Kosovës duke iu ndaluar hyrjen në Kosovë, duke potencuar se me këtë kanë bërë shkelje të marrëveshjeve të arritura në Bruksel.

Kjo zyrë, veprimet e shtetit të Kosovës Kosovës i ka quajtur “egërsi raciste” duke u ankuar se bashkësia ndërkombëtare nuk po reagon ndaj këtyre rasteve.

Më tej, zyra për Kosovën në qeverinë serbe thotë se “Serbia, sikurse edhe deri më tani, do të vazhdojë të gjejë mënyra që të sigurojë funksionimin e institucioneve tona në Kosovë e Metohi”, ndërsa ka shtuar se “për sjelljet agresive raciste të Prishtinës do të informohen të gjitha instancat relevante ndërkombëtare”./PERISKOPI/