Pas njohjes së ‘gjenocidit armen’ Buxhovi tregon për Periskopin se a bëhen me faj edhe shqiptarët

Periskopi pyeti historianin Jusuf Buxhovi se a ishte i drejtë nga aspekti historik një vendim i tillë politik. Në përgjigjen e tij, z.Buxhovi nuk ishte i drejtpërdrejtë duke deklaruar se vendimi në fjalë ishte i natyrës politike, gjë që dihet.

“Rasti i rezolutës së Senatit Amerikan që dënon masakrën ndaj Armenëve gjatë luftës së parë botërore, është i natyrës politike, pra pa pasoja ligjore ndaj kryeve të saj, që edhe formalisht janë të paarritshëm, ngaqë Perandoria Osmane është shpërbërë në vitin 1923. Kështu që edhe reagimet a Ankaras ndaj kësaj çështje janë më shumë të natyrës morale, ngaqë formalisht shteti turk nuk është trashëgimtar i ligjshëm i Petandorisë Osmane, paçka se Erdogani këtë po mundohet ta bëj.” – ka thënë ai.

Periskopi nuk ngurroi të pyeste historianin e njohur kosovar edhe për mundësinë që shqiptarët të cilët luftonin për Perandorinë Osmane në atë kohë të merrnin një barrë faji, por ai iu shmang edhe kësaj pyetjeje duke thënë që shqiptarët kishin shpallur pavarësinë dhe ishin shkëputur nga Perandoria Osmane në atë kohë.

“Ndërsa sa i përket mundësisë që edhe shqiptarët të fajsohen për këtë, kjo teortikisht dhe praktikisht përjashtohet, ngaqë shqiptarët, nga 28 nëntori 1912 shpallën pavarësinë e tyre dhe u shkëputën nga Perandoria Osmane. Këtë e vertetoi edhe Konferenca e Ambasadorëvë e Londrës më 1913.” – shtoi ai.

Në fakt, historia tregon se një pjesë e madhe shqiptarësh shërbenin në funksione të ndryshme në ushtrinë turke gjatë viteve 1915-1916./Periskopi