4 orë më parëMisteri i koalicionit VV-LDK: VLAN-i u themelua veç 2 ditë pas zgjedhjeve të 2014-s
Periskopi(7 vite më parë)
(7 vite më parë)Zgjedhjet e 8 qershorit të vitit 2014 ishin mjaft dramatike dhe formësuan terrenin politik në Kosovë për dekadat që do të pasonin. Periskopi iu sjell një krahasim për të ilustruar më shumë rrethanat aktuale në të cilat ndodhen LVV dhe LDK. Pas shkëputjes së Nismës për Kosovën nga PDK-ja, opinioni dhe analistët besonin që partia […]
Pas shkëputjes së Nismës për Kosovën nga PDK-ja, opinioni dhe analistët besonin që partia e drejtuar nga Hashim Thaçi do të humbiste në zgjedhjet e parakohshme të 8 qershorit në Kosovë.
Por, ndodhi e kundërta. PDK fitoi me një diferencë të thellë ndaj LDK-së, prej më shumë se 5 për qind të votave. PDK i mori 222 mijë e 181 vota [ose 30,38%] ndërsa LDK i fitoi 184 mijë e 594 vota [ose 25,24 për qind].
Megjithatë, ajo që do të pasonte do të ishte edhe më dramatike dhe do të përcaktonte garën demokratike brenda vendit tonë përgjithnjë.
Në mëngjesin e 10 qershorit, ose vetëm dy ditë pas zgjedhjeve të parakohshme, u lidh një koalicion i gjerë pas-zgjedhor mes të gjitha partive shqiptare që kishin siguruar praninë në Kuvendin e Kosovës. Ky koalicion do të quhej VLAN [Vetëvendosje, LDK, AAK, Nisma] duke e ndërprerë përgjysmë festën e simpatizantëve të PDK-së në atë kohë.
Katër partive të ndryshme politike në atë kohë iu deshën vetëm dy ditë kohë për të lidhur koalicionin, me Ramush Haradinajn që parashihej të ishte kryeministër i vendit, shkruan Periskopi. Por, LVV dhe LDK edhe pas 22 ditësh duket se janë larg formimit të qeverisë së re, që për më tepër, pozicionin e kryeministrit e ka punë të zgjidhur.
Analisti Faton Abdullahu deklaroi se këto dy parti po e zgjasnin procesin e lidhjes së koalicionit për shkak të dialogut me Serbinë, e për të cilin ShBA-ja ka kërkuar shpejtësi në veprime.
Sidoqoftë, koalicioni VLAN kishte dështuar pas aktvendimit të Gjykatës Kushtetuese që i jepte partisë së parë mundësinë e propozimit të kryetarit të Kuvendit dhe i jepte presidentit diskrecionin për të propozuar mandatarin për formimin e Qeverisë së Re. /Periskopi
