4 orë më parëKurti tregon se çka i tha sot të dërguarit të SHBA’së për dialogun
Periskopi(7 vite më parë)
(7 vite më parë)Kandidati për kryeministër të Kosovës nga radhët e Lëvizjes Vetëvendosje, Albin Kurti, sot është takuar me emisarin e presidentit të Shteteve të Bashkuara të Amerikës, Donald Trump, për dialogun Kosovë-Serbi. Richard Grenell, i cili njëherësh është ambasador i SHBA’së në Gjermani, sot ka qëndruar në Prishtinë, ku, përveç me Kurtin, është takuar edhe me presidentin […]
Richard Grenell, i cili njëherësh është ambasador i SHBA’së në Gjermani, sot ka qëndruar në Prishtinë, ku, përveç me Kurtin, është takuar edhe me presidentin e vendit dhe me zyrtarë të tjerë institucionalë e politikë.
Kurti, partia e të cilit ka dalë e para në zgjedhjet e parakohshme parlamentare të 6 tetorit, ka treguar, nëpërmjet një shkrimi në rrjetin social Twitter, në internet, se çfarë qëndrimi ka mbajtur para të dërguarit të Trumpit.
“Sot u takova me ambasadorin amerikan në Gjermani, Richard Grenell, dhe me ambasadorin amerikan në Kosovë, Philip Kosnett”, ka shkruar Kurti.
“E falënderova z. Grenell për mbështetjen e vazhdueshme të SHBA’së në Kosovë, në kohë lufte e në kohë paqeje”, ka bërë të ditur Kurti.
“Sa i përket dialogut ndërmjet Kosovës dhe Serbisë, unë thash se përmbajtja e tij është më e rëndësishme sesa afatet”, ka treguar Kurti.
Today I met with #USA Amb. to #Germany Mr. Richard A. Grenell & @USAmbKosovo Philip S. Kosnett. I thanked Mr. Gernell for continued #US support to #Kosova in war & peace time. Regarding dialogue between Kosova & Serbia I said that the content is more important than deadlines.
— Albin Kurti (@albinkurti) October 9, 2019
