Kurti: Me opozitën respekt e bashkëpunim, falënderoj kundërshtarët e mi për fushatë konstruktive

Albin Kurti në fjalimin para përkrahësve të tij në sheshin ‘Skënderbeu’, ka falënderuar kundërkandidatët e tij për fushatën korrekte.

Ai ka thënë se me opozitën e ardhshme do të bashkëpuojë me respekt.

“Edhe kundërshtarët e mi në këtë fushatë, dua ti falënderoj për konstruktivitetin e tyre, e në vecanti Vjosa Osmanin.Ajo me kandidimin e saj, ka inspiruar shumë gra për angazhim, prandaj dua që me Vjosën të bashkëpunoj në të ardhmen.Si kryeministër do të bashkëpunoj ngushtë me partnerët tonë ndërkombëtarë, me SHBA’të, me Gjermaninë, me Francën me ata që na janë gjindur si në kohë lufte ashtu edhe në kohë paqeje. Me opozitën nuk do të shprehim arrogancë vecse respekt dhe bashkëpunim parlamentar”, ka thënë Kurti./Periskopi/