Jashari: Votimi në emër të tjetër kujt dhe “Dora e Komisionerit” manipulimet më të shpeshta të zgjedhjeve

Zëdhënësi i Gjykatës së Apelit, Arbër Jashari, në lidhje direkte në Klan Kosova ka folur për një hulumtim të realizuar nga ai lidhur me manipulimet në Zgjedhje.

Jashari tha se arsyeja që e ka shtyer që ta realizoi këtë hulumtim është degradimi i zgjedhjeve gjatë viteve 2007 dhe 2010.

“Ka qenë viti 2007 dhe 2010 ku procesi i zgjedhjeve ka degraduar si shumë. Kjo më ka shtyer të realizoi këtë hulumtim që shërben për të krahasuar si jemi me rajonin. Para viti 2013 me Kodin Penal kemi pasur vetëm katër vepra penale që kanë hyrë si vepra penale kundër të drejtave të njeriut. Pas vitit 2013 me Kodin e ri Penal që ka hyrë në fuqi janë bërë 11. Njejtë kanë mbetur edhe me Kodin që ka hyrë në fuqi në vitin 2019-të”- tha Jashari.

Ai shtoi se manipulimi më i shpeshtë është votimi në emër të tjetërkujt.

” Të gjeturat sipas hulumtimit tregojnë se manipulimi më i shpeshtë në zgjedhje është votimi më i shpeshtë. Kjo për shkak se organet administrative nuk e kanë kryer detyrën si duhet.”

“Para viti 2010 nuk ka pasur asnjë njeri që është dënuar me burgim efektiv. Tani kemi që janë dënuar me burgim efektiv deri në gjashtë muaj. Kemi dënime edhe me gjobë “.

Ish gazetari i Klan Kosovës theksoi se një nga format e tjera të manipulimit është edhe “Dora e Komisionerit”.

“Një nga format e tjera të shpeshta të manipulimit është edhe “Dora e Komisionerit”. Aty p.sh kur kanë munguar votat tek pesë kandidatët për deputetë, atëherë komisionerët i kanë plotësuar vetë votat”.