Haziri: Amerika kërkoi të mos zvarritet formimi i qeverisë

Ai ka thënë se për LDK-në nuk është e lehtë të futet në koalicion me rivalin kryesor, siç e ka konsideruar ai Vetëvendosjen, përcjell Telegrafi.

“Për ne shumë më komode do të ishte qëndrimi në opozitë se të futemi në koalicion me rivalin politik kryesor”.

Nënkryetari i Lidhjes Demokratike të Kosovës ka thënë se ata që e kanë nënçmuar rolin e LDK-së kur kanë bashkëqeverisur në të kaluarën e kanë marrë faturën, duke aluduar në PDK-në dhe partitë e tjera të vogla, për shkak të prishjes së koalicionit qeveritar në të kaluarën.

Haziri ka thënë se nuk ka pse të ngutet në formimin e qeverisë, para se të certifikohet rezultati përfundimtar i zgjedhjeve.

“Marrëveshja kryet për 24 orë nësë dojmë, përvec se ne e dimë që KQZ ka me dal me rezultate përfundimtare, sa i përket LDK’së nuk ka asnjë pengesë. Nuk është pjesë e dinamikës sonë, nuk është ka na duhet LDK-VV oraret janë përshtat në momentin kur KQZ i cerfikion ne jemi gati me nënshkru”, ka thënë ai.

Ai ka pranuar se ka një kërkesë nga Amerika dhe shtetet e QUINT-it që pas certifikimit të zgjedhjeve të mos vonohet rezultati i zgjedhjeve.

“Me certifikim të rezultateve mos të ketë zvarritje, është agjenda e dialogut ajo që SHBA’ja ka nxitë, po mundohet me u kap momentum i marsit, por nuk ka ndonjë presioni, ultimatum”, u shpreh ai në Debat Plus.

Nënkryetari i Lidhjes Demokratike të Kosovës ka thënë se megjithatë ky proces i bisedimeve është një “gjysmëfinale” për të hyrë në një proces tjetër të madh.