6 orë më parëHalil Matoshi i AAK-së uron sinqerisht Vetëvendosjen dhe Albin Kurtin
Periskopi(7 vite më parë)
(7 vite më parë)Kandidati për deputet nga radhët e AAK-së, Halil Matoshi, ka shprehur urime të sinqerta në drejtim të fituesit të zgjedhjeve, Albin Kurtit, dhe partisë së tij. Ai ka përmendur në postimin e tij disa prej vendimeve të Qeverisë Haradinaj, e të cilat sipas tij kanë konsoliduar shtetin e Kosovës. Ndër tjerash, ai thotë që është […]
Ai ka përmendur në postimin e tij disa prej vendimeve të Qeverisë Haradinaj, e të cilat sipas tij kanë konsoliduar shtetin e Kosovës.
Ndër tjerash, ai thotë që është zmbrapsur ndikimi rus.
“Albini nuk munet vetëm. I duhet bashkëqeverisja, i duhet sidomos opozita konstruktive!?” – shkruan Matoshi.
Më poshtë, ai e uron Kurtin dhe Vetëvendosjes për fitoren në këto zgjedhje duke pranuar humbjen e partisë së tij.
Në fakt, koalicioni AAK-PSD i kishte vetëm 11 për qind të votave në këto zgjedhje, duke qenë tepër larg tri partive të para.
Ky është statusi i tij i plotë në Facebook:
Republika e Kosovës âsht projekti ma kulmor historik i nacionalizmit shqiptar dhe si e tillë, e përjetshme dhe e panegociueshme!
Kosova âsht nji demokraci e konsolidueme. Liberaldemokracia e saj kapërcen kufijt e ideologjive partiake.
Urime seciles dhe secilit qytetar që kanë votu për koalicionin 100 % Kosovë (AAK-PSD) dhe Ramush Haradinajt, i cili, si burrështeti i madh, ia ktheu mandatin sovranit, që me mundësu ndryshimin.
Në Qeverinë Haradinaj janë bâ punë t’mira, janë marrë vendime që e bâjnë historinë e shtetit.
Albini vjen në pushtet në epokën kur Kosova âsht konsolidu në aspektin e sigurisë, âshtë delegjitimu copëtimi i vendit, janë ruejtun resurset nacionale, Trepça 100% e Kosovës, kurse tregu i lirë âsht nda nga epoka e kolonizimit nga Serbia.
Dhe âsht zbrapsun ndikimi rus.
Albini nuk munet vetëm.
I duhet bashkëqeverisja, i duhet sidomos opozita konstruktive!?
Urime të sinqerta fituesit të zgjedhjeve Lëvizjës Vetëvendosje dhe Albin Kurtit.
Urime ??
