Glauk Konjufca tregon arsyen se pse po vonohet arritja e marrëveshjes së koalicionit me LDK’në

Konjufca ka thënë se për arritjen e një marrëveshje e tillë duhet disa ditë.

“Pajtueshmëri të koncepteve se çfarë drejtimi do të ketë qeveria në drejtësi ekonomi, arsim e drejtësi, është punë që merr shumë orë, disa ditë që ta kemi të qartë se ku po qëndrojmë, ku janë dallimet dhe si të vijmë të idetë e përbashkëta”, ka thënë ai në Debat Plus.

Tutje ai ka folur për takimin e tretë të grupeve punuese duke e quajtur si një takim më profesional që ai ka marrë pjesë.

“Ky ishte takimi i tretë, por ne nuk e kemi hapur temën e kryeministrit, pritje një analizimi i rezultateve nga LDK, ky është takimi i tretë, biseduam ma shumë se 3 orë për ekonominë, ishte njëri prej diskutimeve më profesionale që unë kom marrë pjesë ku është diskutar për ekonomi”, u shpreh ai.

Kujtojmë që sot është mbajtur takimi i tretë i grupeve punuese të VV’së dhe LDK’së./Periskopi/