5 orë më parëGani Geci falenderon emocionalisht me gjithë familje votuesit e vajzës së tij
Periskopi(7 vite më parë)
(7 vite më parë)Ish deputeti i Kuvendit të Kosovës nga radhët e LDD-së së dikurshme, Gani Geci, ka bërë një postim në profilin e tij në Facebook ku shihet me disa anëtarë të familjes së tij dhe vajzën që ishte kandidate për deputete nga radhët e LDK-së, Marigona Geci-Lalën. Geci iu është adresuar qytetarëve të Republikës së Kosovës […]
Geci iu është adresuar qytetarëve të Republikës së Kosovës në mënyrë familjare duke i falënderuar përzemërsisht për besimin që i dhanë znj.Marigona Geci Lala.
“Unë Gani Geci së bashku me Marigona Gecin dhe me të gjithë vëllezërit Geci, ju falenderojmë përzemërsisht për besimin dhe mbështetjën qe ja keni dhënë bijes time, përkatësisht mbesës tonë Marigona Geci-Lalës.” – shkruan ai.
Ai po ashtu transmeton deklaratën e znj.Geci Lala e cila thotë se do të jetë “përgjegjësi, nder dhe privilegj që në mandatin e ardhshëm do ta ruajë dhe mbrojë besimin e qytetarëve”.
Në fund ai ka bekuar popullin e Kosovës dhe Lidhjen Demokratike të Kosovës, përcjell Periskopi.
Kujtojmë se znj.Geci Lala ishte një ndër deputetet më të votuara nga lista e kandidatëve të LDK-së në zgjedhjet e parakohshme të 6 tetorit.
Më poshtë e gjeni postimin e tij në Facebook:
Të dashur qytetarë të Republikës së Kosovës,
pasi që sot kanë dalur rezultatet preliminare nga KQZ, unë Gani Geci së bashku me Marigona Gecin dhe me të gjithë vëllezërit Geci, ju falenderojmë përzemërsisht për besimin dhe mbështetjën qe ja keni dhënë bijes time, përkatësisht mbesës tonë Marigona Geci-Lalës.
“Për mua është përgjegjësi, nderë dhe privilegjë që në mandatin e ardhshëm ta ruaj dhe do ta mbrojë me çdo kusht besimin tuaj që ma keni dhënë.”thotë Marigona Geci.
Edhe njëherë faleminderit shumë populli im i dashur!
Zoti e bekoftë popullin e Kosovës!
Zoti e bekoftë LDK-në!
