Çfarë tmerri: Agim Bahtiri i VV-së fyen të gjitha gratë e Kosovës duke dashur të thotë fjalë të mira për to

‘Miku’ e ‘shpirti’ i liderit të Vetëvendosjes, Albin Kurtit, duke dashur ta lavdëronte kandidaten e LDK-së, znj.Vjosa Osmanin, ka rrëshqitur keq duke ofenduar të gjitha pjesëtaret e gjinisë grunore.

Ai një gjë të tillë e ka bërë duke e përdorur një gjuhë tepër problematike seksiste, shkruan Periskopi.

“Kemi respekt të madh për gjininë femërore. Ne të gjithë kemi dalë nga femra. Femra është mbajtëse e familjes dhe përkujdeset për fëmijët.” –ka thënë ai në një intervistë të mëngjesit të sotëm në Klan Kosova. Kjo deklaratë i mëshon fort përpjekjeve të aktivistëve për barazi, që mundohen të shohin gruan përtej roleve sociale të përcaktuara nga konvencionet shoqërore.

Kujtojmë se në Kosovë mbi 80 për qind e grave janë të papërfshira në tregun e punës, ndërkohë që është shpeshtuar edhe dhuna në familje, viktima të së cilës dukuri, janë kryesisht gratë. /Periskopi