6 orë më parëBelgut i vidhet biçikleta në Bruksel, e gjen atë në Fier me ndihmën e MPB-së shqiptare
Periskopi(7 vite më parë)
(7 vite më parë)Një banor i Brukselit, përpjekjet e të cilit për të gjetur biçikletën e tij të vjedhur nuk rezultuan të suksesshme në Belgjikë, ia ka dalë që ta lokalizojë atë jashtë vendit duke iu falënderuar një aplikacioni mobil, një forumi online dhe zyrtarëve të qeverisë shqiptare. Denis Hacquin, biçikleta elektrike e të cilit iu vodh derisa […]
Denis Hacquin, biçikleta elektrike e të cilit iu vodh derisa e njëjta “ishte brenda dhe e bllokuar” në Ixelles rreth një muaj më parë, e gjeti atë rreth 2,000 kilometra larg, në qytetin shqiptar të Fierit.
Ai ka thënë se ishte afër të hiqte dorë nga gjetja e saj pasi gjërat po shkonin ngadalë pas ankesës së tij në polici. Mirëpo Hacquin tha se ia kishte dalë që ta lokalizonte atë përmes aplikacionit mobil “Find My Bike”.
“Kisha humbur shpresat por vetëm deri në momentin kur aplikacioni ‘Find My Bike’ papritmas sinjalizoi se biçikleta ime ishte në Budapest, dhe, jo shumë më vonë, në qytetin shqiptar të Fierit”, ka thënë ai për portalin belg, “Bruzz”, transmeton Koha.net.
I frustruar se policisë i ishin dashur dy javë që ta kontaktojnë atë pas raportimeve të tij për gjetjen e biçikletës, Hacquini i është ankuar direkt shqiptarëve, duke postuar në forumin online “Reddit”, nga ku thotë ai se gjërat nisën të lëviznin.
Ai pranoi gati 100 përgjigje nga anëtarët e forumit që shprehnin gatishmërinë për ta ndihmuar që të gjente biçikletën e tij, përfshirë edhe një përgjigje nga një përdorues që i kishte rekomanduar atij të kontaktonte Ministrinë e Brendshme të Shqipërisë, gjë të cilën ai edhe e kishte bërë.
“Ua dërgova emailin, dhe një ditë më pas e kishin gjetur biçikletën time”, tha ai për “Bruzz”.
@ediramaal Hi, I'm trying to get help or get in touch with authorities to recover a valuable e-bike that was stolen from me in Belgium and just got located with precision in Fier, Albania. Any help or guidance would be immensely appreciated.
— DenAda (@denada_dev) October 14, 2019
Në një postim të ri për anëtarët e forumit, Hacquin tha se biçikleta e tij ishte lokalizuar nga autoritetet e Fierit, duke iu falënderuar ministrisë së Brendshme të Shqipërisë, dhe shtoi se po punonte që ta kthente biçikletën e tij në Belgjikë.
“Biçikleta u gjet nga autoritetet në Fier duke iu falënderuar veçorisë ‘Gjej biçikletën time’ në aplikacionin ‘Cowboy’ dhe pas ndihmës së madhe nga zëvendësministrja e Brendshme e Shqipërisë, Romina Kuko, që ka qenë shumë ndihmuese dhe e përgjegjshme”, shkroi Hacquini në Reddit.
