Bekë Berisha thotë se i mori 13 mijë vota

Bekë Berisha i AAK-së, ka treguar se ka marrë mjaftueshëm vota që i sigurojnë atij ulëse në Kuvend të Kosovës, në legjislaturën e re.

Berisha përmes një shkrimi të publikuar në Facebook, ka thënë se ka marrë rreth 13 mijë vota në zgjedhjet e gjashtë tetorit.

“Rezultati po tregon se më duhet të ju falënderoj rreth 13 mijë herë. Duke i kuptuar të gjitha problemet me të cilat përballen qytetarët e Kosovës, fushata jonë ishte derë më derë e sy më sy”, tha Berisha, derisa, ka shtuar se nuk ju ka mbetur hatri nga populli, që nuk iu dha vota aq sa për ta marrë pushtetin.

“Konsideroj që gabimi jonë ishte modestia, andaj ne nuk i mbërritëm objektivat tona e nuk na u dha haku nga qytetari i Kosovës për punët që i kemi bërë. Ne nuk u hatruam se popullin e duam më shumë se pushtetin. E nuk ka ndodhur më herët në historinë e Kosovës që ta gjuajnë karrigen për ta mbrojtur shtetin vetëm që të kemi shtet me dinjitet. Ne tani, në opozitë do të monitorojm me kujdes çdo punë, çdo nënshkrim, çdo gabim e kur të grumbullohen punët dhe vendi të humb rrugën prapë, NE prapë do të kthehemi me vrull dhe Shqiptarçe për 100% shtet”, ka shkruar Berisha.