Asambleisti i PDK-së në Prizren thotë se do ta padisë Haskukën

Besimi nëpërmjet telefonit i tha Klan Kosovës se ai nuk është agresori por viktima.

“Ju njoftoj se sot jam sulmuar fizikisht nga Zyrtari i Prokurimit të Komunës së Prizrenit z. Nezir Rexhepi, kundër të cilit ditë më parë është paraqitur një Kallëzim Penal për Keqpërdorim të Detyrës Zyrtare nga familjarët e mi. Në këtë rast kam pësuar lëndime të lehta trupore dhe rastin e kam paraqitur në Polici, e që shpresojë se drejtësia ta thotë fjalën e vet shpejtë ” tha Besimi.

Kuvendari i Partisë Demokratike të Kosovës në Prizren shtoi se ndihet keq nga deklarata e kryetarit Haskuka lidhur me rastin.

“Është për keqardhje se si Kryetari i Komunës pa pasur asnjë raport zyrtar, jep konstatime të pavërteta se gjoja unë kam sulmuar zyrtarin e prokurimit për çështje që lidhen me tenderët e kësaj komune. Unë personalisht dhe familja ime, jemi të përkushtuar që keqpërdorimeve me tender në Komunën e Prizrenit t’i japim përgjigje të merituar ligjore”- theksoi Besimi

Ai paralajmëroi se kundër kryetarit Mytaher Haskuka do të iniciojë padi civile.

Ky është postimi i kryetarit të Prizrenit Mytaher Haskuka, lidhur me këtë ngjarje.

https://www.facebook.com/mhaskukaa/posts/783631105441735