Vuçiq: Dua t’ju tregoj një të vërtetë për Putinin dhe nuk po ju gënjej aspak

Presidenti serb, Aleksandër Vuçiq ka thënë se ai gjithmonë është këshilluar nga presidenti rus, Vladimir Putin, i cili ka respekt të madh për Serbinë, shkruan N1, përcjell Periskopi.

“Unë gjithmonë jam konsultuar me Putinin dhe kam marrë këshillat e tij, unë gjithmonë e informoj lidhur me atë se çka po ndodh dhe nuk po gënjej, po e tregoj të vërtetën, ai nuk e di vazhdimisht se çka është duke ndodhur por mendoj se Putin është një nga njerëzit që e respektoj më së shumti”, ka thënë Vuçiq.

Vuçiq ka thënë se e mirëkupton Putinin në çdo gjë, sepse ‘ai është një lider i një vendi të madh” ndërkaq Vuçiq thotë për veten se ‘është lider i një vendi të vogël”.

“Putin tregon respekt të vërtetë për këtë vend (Serbinë v.j) dhe unë jam shumë mirënjohës për këtë”, ka thënë ai. /Periskopi/