Tërmkolli: Deputetët po ia përgatitin njëri-tjetrit dosjet për Specialen

Ish-deputetja e LDK-së Melihate Tërmkolli, pas nisjes në Hagë të ish-komandanteve të UÇK-së, Sami Lushtaku dhe Rrustem Mustafa, ka thënë se askush nuk po e gjykon UÇK-në, duke porositur që secili të mbrojë vetën.

Në një shkrim në Facebook, Tërmkolli shkruan se për tri vite me radhë në Kuvendin e Kosovës, shumë deputetë e tmerruan opinionin me akuzat më të rënda kundër njëri-tjetrit për krime dhe gjëra tjera.

Postimi i plotë:

Pa patetikë, Kosova e para! Askush nuk e ka gjykuar luftën e shqiptarëve të Kosovës për liri e ҁlirim. Askush nuk e ka gjykuar as nuk po e gjykon UҪK-në.

Askush, prandaj nuk ka nevojë ta mbrojë UҪK-në Secili le ta mbrojë veҁ veten e vet! (nga vetja e vet).

Të tjerët përrreth, që po përpiqen të bëjnë patriotët, me rrëfimet herë për “re të zeza”, herë për “pastërti” të qiellit të Kosovës, së paku të heshtin.

E dinë mirë të gjithë kush i solli retë e zeza.  Mos guxoni prandaj të drejtoni gishtin ndaj askujt për Gjykatën Speciale! Siҁ e thoshit edhe vetë “ një e keqe e domosdoshme”.

Pa kopjuar kultura të huaja, do të na bënte nderë respektimi i së paku një minimumi nga kodi kulturor kombëtar i shqiptarëve, edhe në ditë të mira edhe në ditë të vështira. Në atë rast, të gjithë do të dilnim fitues.

Në veҁanti përfaqësuesit e institucioneve të shtetit, kanë detyrë të sillen në pajtim me obligimet shtetërore dhe interesat nacionale, edhe në këtë rast.

Pa patetikë, Kosova e para!

(P.S. për tri vite me radhë 2015-2018, në Kuvendin e Kosovës, shumë deputetë të ashtuquajtur “komandantë” të UҪK-së, e tmerruan opinionin e Kosovës me akuzat më të rënda kundër njëri-tjetrit, për krime, për pasurim e për ҁka jo. Atëherë, në Kuvend iu thashë se “ po ia përgatitni njëri tjetrit dosjet për Gjykatën Speciale”.). Apo nuk është kështu?!