Sulmon babain e paralizuar, arrestohet gjilanasi

rokuroria Themelore në Gjilan, gjatë ditës së djeshme ka nxjerrë aktvendim mbi ndalim, në kohëzgjatje prej 48 orësh, ndaj të dyshuarit N.B., për shkak të dyshimit se ka kryer veprën penale ‘’Sulm në tentativë’’ ndaj babait të paralizuar.

“Ekziston dyshimi i bazuar se, më 01 janar 2019, rreth orës 21:00, në Gjilan, i dyshuari N.B., me dashje dhe nën ndikimin e alkoolit, ka tentuar të përdorë forcë ndaj babait të tij, të dëmtuarit R.B., në atë mënyrë që pasi kthehet në shtëpi, në gjendje të dehur, fillimisht then disa gjëra në shtëpi dhe me një tastaturë tenton t’a godet të dëmtuarin, i cili është i paralizuar, derisa aty kanë ndërhyrë anëtarët e tjerë të familjes dhe e kanë penguar”, thuhet në njoftimin e Prokurorisë Themelore të Gjilanit.

“Prokuroria, sot ka paraqitur kërkesën për caktimin e masës së paraburgimit në kohëzgjatje prej 30 ditësh, në Gjykatën kompetente në Gjilan, pasi që ekziston rreziku i përsëritjes së veprës penale, për shkak që i njëjti edhe më parë kishte shkaktuar probleme në familje, si dhe ndikimi tek dëshmitarët dhe nëse do të qëndronte në liri do të pengonte rrjedhën normale të zhvillimit të mëtejmë të procedurës penale”, thuhet në njoftim, raporton KALLCO.com /Periskopi