Si ndikojnë në jetën tonë dhe si duhet ti trajtojmë sulmet e panikut?

Çrregullimi i panikut është një sëmundje mendore e njohur për episodet e saj të papritura, ndonjëherë të tmerrshme, të quajtura sulme paniku. Gjatë këtyre epsiodeve, personi përjeton një frikë dhe siklet fizik shumë të fortë. Por, çrregullimet e panikut nuk lidhen aq shumë me shpeshtësinë e tyre, sesa me mënyrën si ndikojnë sjelljen e atij që i përjeton.

Njerëzit me çrregullime paniku shpesh shmangin vende ose aktivitete të caktuara që besojnë se mund të shkaktojnë një sulm paniku. Dikush mund të ndalojë stërvitjen, për shembull, sepse nxit këto ndjesi fiziologjike që i ngjajnë një sulmi paniku.

Simptomat e panikut

Çrregullimi i panikut, sipas përkufizimit, prek njerëzit që kanë sulme të përsëritura paniku. Ata nuk janë për shkak të përdorimit të substancave, një gjendje mjekësore, ose ndonjë çrregullim tjetër psikiatrik. Papritmas, personi është i zhytur në frikë ose në siklet fizik para se simptomat të ulen më vonë. Këto përfshijnë shpeshtim të rrahjeve të zemrës, djersitje, dridhje, gulçim, ndjenjë mbytjeje, dhimbje në gjoks, të përziera, ndjenjë e këputjes, frikë nga humbja e kontrollit, mpirje ose ndjesi shpimi, të dridhura dhe frikë nga vdekja.

Simptomat e çrregullimeve të panikut janë të lidhura me këto episode shqetësuese. Njerëzit me çrregullime paniku shmangin vendet ose aktivitetet që mund të shkaktojnë një sulm. Si rezultat, çrregullimi i panikut mund të ndërhyjë në jetesën dhe marrëdhëniet e njerëzve. Disa njerëz me çrregullime paniku gjithashtu zhvillojnë agorafobinë, frikë nga situata ose vende që mund t’i bëjnë ata të ndihen të bllokuar dhe të pafuqishëm. Këta njerëz kanë frikë se mbeten të bllokuar në një turmë apo në një hapësirë të mbyllur dhe mund të pësojnë një sulm paniku.

Nga se shkaktohet çrregullimi i panikut?

Askush nuk e di saktësisht se çfarë e shkakton çrregullimin e panikut. Nganjëherë, ky problemkalon në familje duke u trashëguar, ndonjëherë lidhet me biologjinë e trurit. Faktorët e mjedisit dhe reagimet unike të njerëzve ndaj stresit gjithashtu mund të luajnë një rol.

Trajtimi i çrregullimeve të panikut

Trajtimi i çrregullimeve të panikut përbëhet nga psikoterapia (e njohur edhe si terapia e diskutimit), me ose pa ilaçe.

Antidepresantët shpesh përdoren për trajtimin e çrregullimeve të panikut.

Benzodiazepinë është një ilaç i fuqishëm qetësues.

Por, mos harroni kujdesin për veten. Flini mjaftueshëm, ndiqni një dietë të shëndetshme, mbani një regjim ushtrimesh dhe mos mbani çdo shqetësim për vete, ndajini me njerëzit e besuar. Të gjtiha këto mund t’ju ndihmojnë të lehtësoheni.