4 orë më parëShtohen patrullimet pas vlerësimit të rrezikut, policë me armë të gjata nëpër rrugët e Prishtinës (Foto)
Periskopi(7 vite më parë)
(7 vite më parë)Ka disa javë që nëpër Prishtinë po shihen njësite policore me armë të gjata. Ata zakonisht po patrullojnë në këmbë, sidomos përgjatë shesheve kryesore të kryeqytetit. Shpeshherë kur shihet mobilizimi i tillë i Policisë, aludohet në kanosjen e ndonjë rreziku të jashtëm. Megjithatë, Periskopi ka kontaktuar Policinë e Kosovës, të cilët sqarojnë se kjo gjë […]
Shpeshherë kur shihet mobilizimi i tillë i Policisë, aludohet në kanosjen e ndonjë rreziku të jashtëm.
Megjithatë, Periskopi ka kontaktuar Policinë e Kosovës, të cilët sqarojnë se kjo gjë po bëhet për shkak të parandalimit dhe sigurisë, pas fluksit të madh të qytetarëve në kryeqytet, duke marrë parasysh edhe festat e fundvitit që lamë pas.
Zëdhënësja Flora Ahmeti ka treguar për Periskopin se patrullimet e policëve në këmbë po bëhen që nga fillimi i dhjetorit.
‘’Këto patrullime në këmbë janë që nga fillimi i dhjetorit. Drejtoria Rajonale e Policisë ka paraparë që në orët e pasdites, për parandalim dhe siguri të angazhojë njësitet me armë të gjata, në zona të caktuara të rajonit të Prishtinës. Mbështetur në analizat dhe vlerësimet që njësiti për planifikim ka bërë. ‘’, ka thënë Ahmeti.
Ndërkohë, Periskopi mer vesh se patrullimet më të mëdha me armë të gjata po bëhen afër institucioneve shtetërore, por edhe tek ambasadat e huaja.
Kujtojmë që pak para festave të fundvitit, bizneset e ndryshme nëpër Kosovë janë përballur me grabitje të shpeshta nga ana e hajdutëve. Raste të vjedhjeve ka pasur edhe nëpër shtëpi private.
Policia e Kosovës përmes një komunikate kishte treguar se ishin mobilizuar edhe në intervenimin dhe parandalimin e këtyre rasteve./Periskopi/
