5 orë më parëShteti mbetet pa punëtorë – Shumica e lidhin pushimin e Vitit të Ri me atë vjetor
Periskopi(7 vite më parë)
(7 vite më parë)Ndonëse e enjtja ishte ditë pune, lëvizje të pakta janë vërejtur nëpër institucione publike, kryesisht ato qeveritare. KTV-ja ka biseduar me disa punëtorë, të cilët prapa kamerës kanë thënë se brenda objekteve institucionale ka shumë pak punëtorë të pranishëm. Sipas tyre, shumë nga ta që munguan, i kanë lidhur këto dy ditët e festës me […]
KTV-ja ka biseduar me disa punëtorë, të cilët prapa kamerës kanë thënë se brenda objekteve institucionale ka shumë pak punëtorë të pranishëm.
Sipas tyre, shumë nga ta që munguan, i kanë lidhur këto dy ditët e festës me pushimet vjetore.
Ndërsa, në Zyrën e Sekretarit të Përgjithshëm të Ministrisë së Administratës Publike, së cilës KTV-ja i është drejtuar me pyetje lidhur me këtë çështje, një asistente përmes telefonit ka thënë se vetë sekretari nuk ka dalë në vendin e tij të punës.
Ajo ka thënë se sekretari Arton Berisha i ka lidhur ditët e pushimit dhe nuk do të dalë në punë këto dy ditët e ardhshme.
Nga zyra për informim e kësaj ministrie janë arsyetuar me faktin se zyrtarët publikë janë në pushim vjetor pasi iu takon me ligj.
Veç dy ditëve të pushimit për Vitin e Ri edhe të hënën e ardhshme do të jetë ditë pushimi, shkaku i festës së krishtlindjes ortodokse.
