Shtatë të vdekur e mbi 40 të plagosur nga një shpërthim në Rusi

Një tragjedi ka prekur qytetin e Magnitogorsku, rreth 1700 kilometra larg Moskës. Në këtë qytet, si pasojë e shpërthimit të tubit të gazit, 7 persona kanë vdekur dhe mbi 40 janë plagosur.

Autoritetet ruse janë shprehur se situata paraqitet alarmante, me njerëz që dergjen nën rrënoja.

Në qytetin e Magnitogorsku ka arritur edhe presidenti Vladimir Putin, që shprehu pikëllimin e tij për ngjarjen e rëndë. Në këtë qytet temperaturat arrijnë në nivelet minus 15 deri minus 22, ndaj edhe besimi i autoriteteve se do të gjejnë trupa të gjallë, sa vjen e bie.