6 orë më parëSerbia arreston zëvendësministrin në kufi, reagon Haradinaj: Po teprohet me provokime
Periskopi(7 vite më parë)
(7 vite më parë)Kryeministri i Kosovës Ramush Haradinaj ka reaguar ndaj ndalimit të nënkryetarit të Partisë Liberale, Boban Stankoviq të serbëve të Kosovës në kufirin në Merdare nga ana e autoriteteve serbe. Ky veprim i shtetit serb, Haradinaj ka thënë se është provokim dhe qasje jokonstruktive ndaj qytetarëve të Republikës së Kosovës. Stankoviq, është edhe pjesë e Qeverisë […]
Ky veprim i shtetit serb, Haradinaj ka thënë se është provokim dhe qasje jokonstruktive ndaj qytetarëve të Republikës së Kosovës.
Stankoviq, është edhe pjesë e Qeverisë së Kosovës si zëvendësministër i Ministrisë së Kulturës Rinisë dhe Sportit.
Reagimi i plotë:
Vazhdojnë provokimet dhe qasja jokonstruktive e shtetit serb ndaj qytetarëve të Republikës së Kosovës
Sot në pikën kufitare në Merdare, është ndaluar nënkryetari i Partisë Liberale të serbëve të Kosovës si dhe zëvendësministër në Ministrinë e Kulturës Rinisë dhe Sportit, Boban Stankovic. Ai po mbahet nga zyrtarët policorë serb pa asnjë arsye dhe në bazë të informacioneve që kemi ai po merret në pyetje nga zyrtarë të BIA-së serbe.
Ftojmë autoritetet serbe që të ndalojnë praktikat tilla të presionit ndaj qytetarëve serb, të cilët duan ta ndërtojnë jetën e tyre në Republikën e Kosovës. Kosova është shtet i gjithë qytetarëve të saj dhe ne nuk do të pranojmë që në këtë formë të frikësohen qytetarët tanë.
RH
