Rumania merr në dorë BE’në në kulmin e telasheve, Juncker pesimist se do të dijë t’i menaxhojë

Presidenti i Komisionit Evropian, Jean-Claude Juncker ka shprehur rezervat e tij lidhur me kryesimin që ka marrë Rumania në Presidencën e BE’së.

Ai ka thënë se ‘Rumania, teknikisht është e përgatitur”, por tutje ‘shpreh dronë e tij se a e kupton Bukureshti se çka do të thotë ta kryesosh Unionin”.

“Ata janë të përgatitur teknikisht. Por mendoj se autoritetet në Bukuresht ende nuk e kuptojnë se çka do të thotë të kryesosh Unionin. Në vend së të marrësh vendime, duhet të jesh i gatshëm t’i dëgjosh të tjerët e gjithashtu të jesh i gatshëm të përballesh me disa probleme që mund t’i kenë disa shtete. Kur unë i marr parasysh të gjitha këto çështje, kam disa dyshime se Rumania do të jetë e gatshme të përballet me të gjitha këto çështje”, ka thënë Juncker për ‘Ëelt am Sontag”, përcjell Periskopi.

Kjo është hera e parë që Presidenca e BE’së ka ‘rënë në duart e një vendi që është ende nën rregulla speciale të vendosura nga Bashkimi Evropian”, shkruan gazeta.

Bashkimi Evropian, vazhdon të ketë ende vetë investime të mëdha në Rumani për luftimin e korrupsionit në këtë vend.

Gazeta tutje shkruan: Nga e keqja, te më e keqja

“Nëse presidenca austriake është zhgënjyer vitin e kaluar nga gjashtë vendet e ish-Jugosllavisë, do të bëhet më keq edhe me Rumaminë. Por pritjet tona nga Bukureshti, natyrisht se janë të mëdha”, shkruan gazeta.

Pas Ruamnisë, presidencën e BE’së, do ta marrë Finlanda në fund të vitit 2019. Nga 1 janari i vitit 2020, kryesimin e BE’së e merr Kroacia, e cila ka paralajmëruar se menjëherë do të organizojë një samit për vendet e Ballkanit Perëndimor. Bashkimi Evropian e ka pranuar këtë.

Shumë sfida

Rumania do të ketë një numër sfidash në tavolin për gjashtë muajt e ardshëm. BREXIT, pastaj buxheti i Bashkimit Evropian që do të caktohet për vitet 2021-2027 e do të pasohet edhe me sfidën e zgjedhjeve në Parlamentin Evropian në muajin maj 2019. /Periskopi/