Pacolli letër të ashpër BE-së: Ndalimi i politikanëve të SLS-së tregon që Serbia dëshiron të pengojë integrimin e serbëve

Burime të Periskopit bëjnë të ditur se zëvendëskryeministri i Parë dhe Ministri i Punëve të Jashtme i Republikës së Kosovës, Behgjet Pacolli, i ka shkruar letër informimi Bashkimit Evropian dhe shteteve të Kuintit lidhur me ndalimin e nënkryetarit të Partisë së Pavarur Liberale (SLS), z. Boban Stankovic, Zëvendësministër i Kulurës, Rinisë dhe Sportit në Republikën e Kosovës, ndalim që vie vetëm ditë pas ndalimit të kyretarit të po kësaj partie, z. Slobodan Petrovic, Deputet i Kuvendit të Kosovës.

Në këtë letër, z. Pacolli shpehet se rastet e ndalimit të pëfaqësuesve të komunitetit serb, njëherësh zyrtarë të Republikës së Kosovës, janë tregues i qartë se Serbia po punon haptas kundër integrimit të komunitetit serb në jetën publike dhe institucionale të Republikës së Kosovës.

Po ashtu, Pacolli rikujtoj që kjo sjellje e autoritieteve të Beogardit vie në një kohë kur komuniteti Serb që jeton në Republikën e Kosovës, ka shprehur në vazhdimësi shqetësimet lidhur me vrasjen e Oliver Ivanovic, politikan i cili ishte kritik ndaj ndërhyrjeve të Beogradit në jetën politike dhe institucionale të serbëve të Kosovës.

Kjo politikë e Beogradit, thekson Pacolli në këtë letër, ka për qëllim nxitjen e paniku dhe frikës tek komuniteti jo shumicë serb që jeton në Republikën e Kosovës, në dëm të pjesëmarrjes aktive në jetën politike e institucionale të vendit.

Në përmbyllje të kësaj letre, Pacolli thekson nevojën e ndërhyrjes së menjëhershmë të komunitetit ndërkombëtar në parandalimin e rasteve të tilla, sepse siç është shprehur Ministri Pacolli, nuk dihet se sa larg është e përgaditur Serbia të shkoj me këtë agjendë.