4 orë më parëNis punimet Kongresi i 116-të i SHBA-së
Periskopi(7 vite më parë)
(7 vite më parë)Kongresi i 116-të i Shteteve të Bashkuara nis punimet të enjten, pasi 535 anëtarët e tij të bëjnë zyrtarisht betimin. Kongresi i ri do të bëjë histori me numër rekord të grave dhe me diversitet racor. Republikanët kanë më shumë vende në Senat, ndërsa demokratët marrin kontrollin e Dhomës së Përfaqësuesve. Zgjedhjet për Kongres janë […]
Kongresi i ri do të bëjë histori me numër rekord të grave dhe me diversitet racor.
Republikanët kanë më shumë vende në Senat, ndërsa demokratët marrin kontrollin e Dhomës së Përfaqësuesve. Zgjedhjet për Kongres janë mbajtur në nëntor.
Ligjvënësit e rinj menjëherë do të përballen me zgjidhjen e bllokimit të shpenzimeve dhe të migracionit – çështje që kanë mbyllur pjesën më të madhe të qeverisë.
Betimi i ligjvënësve thotë: “Betohem solemnisht se do të mbështes dhe mbroj Kushtetutën e Shteteve të Bashkuara kundër të gjithë armiqve, të brendshëm dhe të huaj; se do të shërbej me besim sipas saj; se e marr këtë detyrim në mënyrë të lirë, pa ndonjë rezervim mendor apo qëllim të shmangies; dhe se do t’i kryej me besnikëri detyrat e zyrës në të cilën po hyj. Andaj, më ndihmo Zot”.
Përfaqësuesja e zgjedhur demokrate, Rashida Tlaib, do të bëjë betimin mbi Kuran.
Tlaib dhe Ilhan Omar janë dy gratë e para myslimane që do të shërbejnë në Kongres.
Në total, 127 gra – 106 demkrate dhe 21 republikane – do të shërbejnë në Kongresin e 116-të, duke mbajtur gati 24% të ulëseve.
Përfaqësuesja demokrate, Nancy Pelosi, e cila ka qenë kryetare e Dhomës së Përfaqësuesve për katër vjet nga 2007-ta, do ta marrë të njëjtën pozitë dhe do të kryesojë Dhomën 435-anëtarëshe deri së paku në zgjedhjet e 2020-ës.
Më shumë lexoni në evropaelire.
